2017 жылдың   22 желтоқсаны мен  29 желтоқсаны аралығында «Мирас» бөбекжай - бақшасында барлық жас ерекшелік топтары балаларымен жаңажылдық ертеңгіліктер өткізілді. Жаңа жыл  өте жарқын, мейірімді және бақытты да қуанышты мереке. Ол мерекеде бір жұмбақ пен ғажайып бар. Кішкене бөбектер үшін  жаңажылдық қойылымдар бағдарламасына әндер, тақпрақтар,  көңілді ойындар,ертегі кейіпкерлерінің қатысуымен  көріністер кіргізілді. Сонымен қатар, ортаңғы топтар балаларының  «Ақшақар»,  ересектер топтары балаларының «Қар патшайымы» ертегілері  бойынша  дайындаған қойылымдары көрермендер алдында ғажайып көрініске айналды. Сиқырлық тынысы балаларды біріктіргені сондай, кішігірім сахнамыз театр сахнасына ал балаларымыз нағыз әртістерге айналғандай  сезім орнады.