2018 жылдың 17-18 наурызында «Болашаққа білімді, дені сау ұрпақ» ұранымен спорттық-интеллектуалды олимпиада өткізілді. Олимпиадаға Атырау облысының  8 командасы қатысты. Біздің кішкентай Спортшылар тек жылдамдықпен, ептілікпен ғана ғана емес, санаумен, оқумен,сөздер құраумен, есептер шығарумен де жарысты.  Барлық қатысушы командалар өте жақсы өте жақсы дайындалған және жаттыққан еді.

Жеребе қорытындысы бойынша 1/8 ойын финалында біздің команда Қызылқоға ауданы командасымен кездесті. Бұл ойында Мирастықтар жеңіске жетті. 1/4 финалы Махамбет ауданы командасымен болып,біздің спортшыларымыз сенімді жеңіп шықты.

Ақтық  ойында Мирастықтар  Исатай ауданы командасымен жарысқа түсті.Жеңіске жетудегі  күрес өте байыпты және қызу да дүбірлі болды.

Жарыстар қорытындысы бойынша біздің балалар ең басты кубокты жеңіп алып, 1 орынды иеленді. Керемет нәтижелер көрсеткен біздің команданы шын жүректен құттықтаймыз.