5 ақпан күні балабақшада «Көңілді старттар» атты спорттық жарыс өткізілді. Бұл жолы «Көңілді старттар» әдеттегіден өзгеше өтті. Балабақшаға біздің ең алғашқы түлектеріміз келді. Балабақшаның мектеппен сабақтастығы жоспарына сай, Ж Қаражігітов атындағы мектеп-гимназияның бірінші сынып оқушылары спорттық кездесуге шақырылды. Ересек топ тәрбиеленушілерінің құрама командасы мен түлектер командасы шапшаңдыққа, ептіліікке, дәлдікке жарысты. Спорттық мерекеде түлектер жарыстан және өз балабақшасынан ерекше жағымды, тартымды қуат пен әсер алды. Әрине, бұл біздің түлектермен соңғы кездесу емес, әрі қарай да біз балабақшаның басқа да түлектерімен кездесуді жоспарлап отырмыз. Біз түлектеріміздің болашақта тек қана жеңіске жете берулеріне тілекшіміз.