15 наурызда «Білім жолымен» зияткерлік олимпиадасының іріктеу айналымы болып өтті. Олимпиада қаланың жеті балабақшасы арасында «Ойна және ойла», «Бәрін білгім келеді», «Біз мектепке барамыз» атты үш номинация бойынша өтті. Біздің балабақшаның намысын «Ақ толқын»тобының тәрбиеленушісі Исмагулова Айша, «Жұлдыз»тобының тәрбиеленушісі Муафих Кайсар, «Болашақ» тобының тәрбиеленушісі Алимкулова Айжан қорғады. Балалар көркем әдебиет, қарапайым математикалық білімдерін қалыптастыру, дүниетану, сауат ашу мен жазу негіздері бойынша керемет білім көрсетті. Нәтижесінде барлық үш номинация бойынша біздің балалар орын алды. Жеңімпаздар мақтау қағаздары және естелік сыйлықтарымен марапатталды. Алда біздің балаларды тағы бір қалалық айналым күтіп тұр. Олимпиаданың барлық жас қатысушыларына әлемді тануда табыс тілеп, білімдерін жетілдірсін дегіміз келеді, ал тәрбиешілерге ризашылығымызды білдіре отырып, шығармашылық табыстар тілейміз. Барлық жеңімпаздарды құттықтаймыз! Жарайсыңдар!