Наурыз-жаңару мен жасаруды білдіретін көктем мерекесі, сол себепті ол мерекені үлкен де, кіші де асыға күтеді. Наурызбен бірге біздің жерімізге, елімізге көптен күткен күннің шуақты сәулесі мен жылуын таратушы көктем мезгілі де келеді. 15 наурыздан 19 наурыз аралығында балабақшамызда «Қош келдің, төрлет Наурызым!» мерекелері өтті. Мереке шынымен де шат көңілді, есте қаларлықтай қуанышты болды. Жылуы мол бір шаңырақты құраған отбасындай болған «Мирас» балабақшасының қабырғасында бірлік пен берекенің, достық пен мейірімділіктің, қонақжайлылықтың лебі есіп тұрғандай.