15 сәуір күні Назарбаев Зияткерлік мектебінде «Көктем мерекесі» мейрамы тойланды. Бұл керемет мереке ашық аспан астында көңіл қуантарлық концерттен басталды. Талантты оқушылар ән салып,би билеп, келген қонақтарға өз шеберліктерін көрсетті. Бұл мерекеге біздің балабақшаның ересек топ тәрбиеленушілері де шақырылған еді. Олар тек қана қонақ болып бармай, концерттің қатысушылары да болды. Біздің тәрбиеленушілер «Қансонар», «Көңілді Мики» билерін және «Пиццикато» оркестрін ұсынды. Мереке өте көңілді және қызықты болды, осындай әдемі де жарқын мерекені ұйымдастырушыларға алғысымыз шексіз.