«Мирас» балабақшасының ересек топ тәрбиеленушілері мен педагогтарын «Айгөлек»балалар шығармашылығының қалалық конкурсындағы жеңісімен құттықтаймыз. 17-18 мамыр күндері «Айгөлек»балалар шығармашылығының қалалық конкурсы болып өтті. Өз шығармашылықтары мен таланттарын көрсету үшін қаланың барлық балабақшаларынан жүз жетпіске жуық бала қатысты. Олардың әрқайсысы көрермендер мен әділқазы алқаларын таң қалдыруға тырысты. «Мирас»балабақшасының тәрбиеленушілері екі номинация: хореографиядан «Қансонар»қазақ биі және театрлық іс-әрекеттен «Дюймовочка» ертегісін драмаластырумен қатысты. Ертегіде балалар тек актерлік шеберліктерін ғана емес, сонымен бірге, вокалдық және хореографиялық біліктерін де көрсете білді. Ал, «Қансонар» биі бүркітшінің аңшылығы желісін өте жақсы көрсетіп, би киімінің жарқын,ашықтығымен көзге түсті. Екі күннің қорытындысы бойынша біздің тәрбиеленушілер бірінші орындарды иеленді.
Жеңістеріңмен құттықтаймыз!