Балабақшада балалардың көптен бері асыға күткен мерекесі Нептун күні болып өтті. Мерекеге су асты патшалығының патшасы Нептун өз нөкерлерімен келді. Балалар оны асыға күткендей, себебі барлық бала суға шомылып шалпылдатуды, батылдық пен жылдамдығын көрсетіп жарысуды жақсы көреді ғой. Оған қоса, балдырған балалар Нептунның нөкерлерімен көңілді ойындар ойнап, жұмбақ шешіп, бір-бірімен жарысқанды жандары сүйеді емес пе? Ал, Нептун болса өз кезегінде балаларға сыйлық ретінде тек қана күлкі мен көтеріңкі көңіл-күй ғана сыйлап қоймай, сиқырлы суды да сыйлады. Нептун шашқан су балалардың бойын, ой-өрісін одан сайын өсіре бермек. Мереке өте көңілді өтті. Әсіресе, қарақшылар балалармен бассейнде су шашысып ойнаса, балалар су тапаншаларымен бір-біріне «атысып» ойнады. Балалармен қош айтысу өкінішті-ақ, бірақ Нептунды маңызды «мемлекеттік мәселелер» күтіп тұр еді.