11 қазаннан бастап 21 қазан аралығында біздің балабақшада барлық жас ерекшелік топтарында күз мерекесі болып өтті. Барлық мерекелер барысында ертегі кейіпкерлері балалармен ойындар ойнап, оларға түрлі тосынсыйларды ұсынды. Тіпті балабақшаның ең кішкентай тәрбиеленушілерінің өзі «Күз»ханшайымына өлеңдер дайындап, жатқа бар мәнерімен айтып берді. Ал, ересектеу балалар музыкалық аспаптарда ойнап, «Бал аралары», «Құмырсқа мен шегіртке», «Түлкі мен қоян» ертегілерін сахналауға бар ынталарымен қатысты. Мереке балдырған қыздардың өз шығармашылық өнерлерін таныта білген «Күзгі қалпақтар шеруі» көрсетілімімен аяқталды.