Әрбір ата - ана өз баласының балабақшада немен айналысатынын, оның күні қалай өтетіндігін білгісі келеді. Сол себепті, біздің балабақшада ата - аналарға арналған Ашық есік күні өтті. Бұл күні балабақша ата - аналары өз балаларын режимдік сәттерде: ойындарда, сабақтарда көрді, педагогтардың шеберлігі мен олардың балалармен жұмыс түрлерінің әртүрлілігін бағалады. Ата - аналар мен тәрбиешілер бір - бірімен араласа отырып, баланың әр күнін қуанышты да қызықты етіп өткізу туралы жаңа ойларымен бөлісті. Сонымен қатар, балабақшаның күнделікті жұмысында өз жалғасын табады деген сенімдері мен үміттерін білдірді.