19.01.2017 ж. «Мирас» балабақшасында қазақ тілі педагогтары Н.М. Калыкова мен Ж.А. Кемалиева және педагог-кітапханашы А.Т. Қалуованың ұйымдастыруымен балабақша қызметкерлеріне арналған қазақтың ақиық ақыны М. Мақатаев туралы «Жырлайды жүрек» атты поэззия кеші өткізілді. Кеш барысында ұлы ақынның «Аққулар ұйықтағанда» поэмасынан үзінді қойылым көрсетіліп, «Алтай-Атырау» поэмасынан үзінділер оқылды. Педагогтардың орындауында ақынның өлеңдеріне жазылған әндер жанға жайлылық сыйлады. Әсіресе, халыққа етене таныс «Саржайлау» әні хормен айтылғанда көрермендер көңілі тасығандай болды. Махаббат тақырыбына оқылған ақын жырлары әр тыңдаушының көзіне жас алдырды. Өз халқымыздың аты өшпес асылы да ардағы - М. Мақатаевты құрметтеп еске алу кеші жан тебірентерлік әсер қалдырды.