Наурыз – бұл табиғаттың оянып, жаңаратын, сенім мен үміт беретін, ең жарқын да ардақты арман - тілектер орындалатын көктемнің көгілдір мерекесі. Мереке келіп қатысып отырған қонақтарымызға нағыз көктемгі көңіл - күйді беретіндей болып өтті. Балалар Отанына, еліне деген өз махаббаттарын көрсетті, бұның бәрі өлең - тақпақтар мен билерде, әндерде өз бейнесін тапты. Балалар өз бойларында батылдық, тапқырлық және батырлық күшке тәрбиелейтін «Теңге алу», «Қыз Қуу», «Ак сүйек», «Тақия тастамақ» сияқты ұлттық ойындарды ойнады. Наурыз мерекесіне арналған ертеңгіліктер өз мақсатына жетіп, балаларда Қазақстан халқының салт - дәстүрлеріне құрмет пен махаббатты бойларына сіңірді.