Әр адамның өз отанына деген шынайы махаббатының өз тіліне деген махаббатынсыз мағынасы жоқ. Қазақстан халықтарының тілдері күнін мерекелеу құрметіне «Мирас» бөбекжай-бақшасында 26 қыркүйекте педагогтар арасында «Тіл-ұлы байлық» атты сайыс өтті. Бұл шараның мақсаты мемлекеттік тілді білуге деген қызығушылықты арттыру еді.

Педагогтардан құралған 4 команда айлалы да қызықты сұрақтарға жауап бере отырып, қызықтыратын викториналарға белсене қатысты. Әрбір команда қазақ тілінің қайталанбайтындығы мен бай тіл екендігін көрсетуге тырысты.

Залда отырған көрермендер де бұл сайыстан шет қалмады, олар бөбекжай- бақшаның педагогтары дайындап, сахнада көрсеткен флэш-мобты бақылап, тіпті сол биге өздері де қосылардай еді.

Бұл шара біздің педагогтардың таланттарын аша түскендей! Сайыс соңында әділқазы алқасы жеңімпаз командаларды анықтап, оларды мадақтамалармен марапаттап, сыйлықтар тапсырды.