Атырау облысының мектепке дейінгі ұйымдарының педагогикалық қызметкерлері арасында «Мектепке дейінгі ұйымның үздік тәрбиешісі» байқауы өтті.

Байқаудың мақсаты: заманауи жағдайда озық педагогикалық тәжірибені анықтау, жалпылау және тарату.

Байқауға қатысушы педагогтар электронды портфолиосын, балалардың жас және жеке ерекшеліктерін ескере отырып, мектепке дейінгі тәрбие мен оқытудың үлгілік оқу бағдарламасын меңгеруге бағытталған кешенді ұйымдастырылған іс-шаралар бейнеролигін, сондай-ақ тақырып бойынша «Мектеп жасына дейінгі балаларды дамыту мен тәрбиелеудегі заманауи мұғалімнің рөлі» атты эссені ұсынуы керек болды.

Облыстық байқаудың қорытындысы бойынша «Мирас» бөбекжай - бақшасының тәрбиешісі Саламатова Гүлдана Өмірбекқызы 1 орынды иеленіп, байқаудың республикалық кезеңіне қатысуға мүмкіндік алды. Гүлдана Өмірбекқызын шын жүректен құттықтап, алдағы уақытта да жеңістер тілейміз!