5 қыркүйекте бүкіл ел Қазақстан халқының тілдері күнін атап өтеді. Тіл-халықтың жан дүниесі, оның қуанышы мен қазынасы. Құрметке лайық емес тіл жоқ. Бұл Қазақстанның күші.

Бөбекжай-бақшада өткен тілдер мерекесінде балалар өздерінің білімдерін, тілге деген сүйіспеншіліктерін көрсетті. Атаулы күні балалар қазақ, орыс, ағылшын тілдерінде тақпақтар айтып, өздерінің сезімдерін жеткізе білді.

Мерекеде балаларға әртүрлі елдердің мәдениетімен танысуға мүмкіндік беретін ойындар да ұйымдастырылды: олар қазақтың ұлттық ойындарын да, қызықты ағылшын ойындарын да ойнады.

Осындай алуан түрлі іс-шаралар балалардың әр елдің тілі мен мәдениетін тереңірек түсінуге және  сүйіспеншілігін арттыруға көмектесті. Бұл мереке барлық қатысушылар үшін жарқын және есте қаларлықтай болды.