Біздің бөбекжай-бақшамызда күзгі ертеңгіліктер сәтті аяқталды. Бұл ғажайып мереке - балалар мен ата-аналарға қуаныш сыйлады! Балалар алтын күздің әлеміне еніп, би билеп, ән айтып, өлең оқып, ертегілерден көріністер көрсетті. Дайындық кезеңі қызықты әрі көңілді өтті және әр бала өз дарыны мен шығармашылық қабілетімен қонақтарды таңғалдырды. Тәрбиешілер мен ата-аналардың қолдауымен, балалар күзгі табиғаттың әрбір жапырағы мен жаңбыр тамшысынан сұлулықты көре білуді үйренді. Осындай мерекелер балаларға өздеріне сенімді болып, ерекше қабілеттерін ашуға көмектеседі.